NDE MAHADISI MATUKUFU: 2014

Zabura 51

3. He Mngu we ni rehemu

sawasawa ne ze fadhwila za haho;

He kiyasi yaho windji yirumbi wa

haho,zima ye makosa ya hangu;

4. Uni hose ndrondrondro ye

mayi ya hanguNa wuni rahatse le

dhambi la hangu.

5. Ba nga mmayizi le makosa

la hangu,ne le dhambi la hangu ngilo

ho usoni mwango dayima.

6. Tsi hu answi, tsi hu answi awece,

na tsi rende mbi ho matsoni haho ,

Namna pvoko ngodjo kana haki he

hukuma ya haho, pvatsina lawama

harimwa ye mahakama ya haho.

7. Tsezi, miyimi tsi wumbwa

harimwa haali ya wuyi, na mzadze

wa hangu ha ni miri harimwa le dhambi.

8. Sha wewe, wudjipviwa ne ze kweli

ziliyo ho mowoni. Ha siri yenda mno

ho mowoni hangu nidjulize ye hikma.

9. Wuni swafishe ha hisopu, nami

ngamdjo swafishiha. Wunihose, na

miyimi, ngamdjoka mwewu rahana laneji.

10. Nifanye mdru wahu yishiya wuzade

na furaha, ne ziba wazi vundza ngazidjo

ukaya furahani.

11. Kawusa owuso wa haho utsi angaliye

ye madhambi ya hangu, futra zembi

za hangu piya.

12. He Mnguwe! Ni wubiye o hangu

djuwu mowo wa swafiha , wuni fanye ya

nyumeni ye roho ya hangu yitruliye ndro .

13. Utsi nire hule no wuso wa haho,

utsi nipvohe ye Roho Nyitwahirifu ya haho.

14. Uni redjeze ye furaha yaho wokofu wa

haho, na apvenge roho ya wupvendza

ndjema neni sililiye!

15. Ngamdjo wa funda owa kosadji

wahe ze ndziya za haho, no wenyi

madhambi gwawadjo wuredjeyi o haho.

16. He Mnguwe, Mngu wa ho uwokofu

wa hangu! uni puwe ne damu ya triha,

no ulime wa hangu ngawudjo wuheza

ye haki ya haho.

17. He Mfawume, buwa ye malomo ya

hangu, na ye hanywa hangu ngayidjo

wutrangaza ye swifa ya haho.

18. Hawukaya we kudjipviwa na swadaka.

Tsi ndizo, tsidjo hunika yo; weewe kuridhi swadaka.

19. Ze swadaka ndjema o hwa Mngu,

nde roho ya vundziha. Mowo wa vundziha

na wa pvondeha, he Mngwe, we kuwu dharawu.

Zabura 121

1 Ngam djuso ye matso ho milimani.

Ye le djumbiso la hangu nga languho ndahu?

2 Le djumbiso la hangu nga languho

oha Mngu, eya wumba le bingu ne she

yipvande shantsi.

3 Kana uruhusu o mndu wa haho

upvempbenuhe; ye mtundi wa

haho ka deme.

4 Ewa, ye ka deme wala ka siwuha,

ye mtundi wa Israel.

5 Mngu nde mtundi wa haho;

Mngu nge nde she yivuli sha

muhono mmeni haho.

6 Le djuwa kalina uhurema pvo mtsana,

wala o mwezi pvo masiwu.

7 Mngu ngudjo hutunda ne mabaya piya;

ngudjo tunda ye nafusi ya haho.

8 Mgu ngudjo tundu o mroho no

mredjeyi wa haho, rangu

apvasa hata dayima.

Zabura 123

1 Tsidjusa ye matso ho haho djuwu,

We yikao hutawala ho binguni.

2 Kweli, mfano ndo watrwana

wangaliyawo ndro wo msaanda wa

mfawume; mfano tsena mdjahazi,

wangaliyo ndro wo msaanda wa

mfawume wa hahe, wadjawu wo

mwangaliyo wa hatru nga

wuredjeyiwu ye Mfawume wa hatru,

Mngu, djumwa hulinda

ye rehema ya hahe.

3 Rirehemu, he we Mfawume!

Risikiniye! Hawuka rikura boneyo.

4 Kweli, rilapvwa na hulapiziwa

ne ma bwana mkubwa.

Zabura 119 : 1-20

1) Uzade oho wa woshezawo ze ndziya za hawo,

w’endawo ho liho nde shariya sha Mngu wa dayima.

2) Uzade oho wa stehiyo ze nyi shahidi za hahe,

wa mtsahawo he miyo ya hawo piya !

3) Ewa, wo kwafanya zabatwala, wo henda ha

udunga ze ndziya za hahe.

4) Weyewe hu amdrisha ye mawuswiyo ya

haho yili yatweyilwa ndro.

5) Nazike nyilekepvu ze ndziya za hangu yili ni

tweyi za amdri za haho !

6) Ha yapvo miyimi ntsina hwayibishiha, nekaya

ntsini mwe ze amdri za haho piya.

7) Ngamdjo uhimidiya ha wunyongowofu wa mowo ,

neka utwaliyi ze hukma ,zahe ze haki ,ya haho.

8) Ngamdjo zi tweyi ze amdri za haho :

usti ni latse kabisa !

9) Namna dje ye mnayidjana yadjo uswafisha

ye ndziya ya hahe ? Ha udunga le kawulu la haho.

10) Ngam hu staho ho mowo wa hangu piya :

usti nirentsi tsipoteya hule ne ze amdri za haho.

11) Ngam zingaro ye anhadi ya haho ho mowoni

hangu, nitsidjo hu answi.

12) Himida ya haho Bo Mngu! Uni fundise ze

amdri za haho!

13) He malomo ya hangu nga mwadzo zowontsi

ze hukma zahe hanywa ya haho.

14) Ngam djipviwa ho udunga ze nyaswiya za haho,

hama enge tsi miliki ze nyitadjiri piya.

15) Ngam tafakari ze nyaswiya za haho ngamina ze

ndziya za haho ho ntsini mwe matso.

16) Ye furaha ya hangu nde ze nyaswiya za haho

ntsina wu diwaza o mdrongowo wa haho.

w17)Renda ye mdrumwa wa haho zema ,

yili nidjwa udjuwa wu enshi ,

nami nidunge le kawulu la haho !

18) Buwa ye matso ya hangu ,

ili nidwja udjwa urambuwa ze andjabuha

zahe shariya sha haho !

19) Miyimi mdjeni pvo arudhwi djuwu:

utsi ni dzishiye ze amdri za haho !

20) Ye roho ya hangu yi shindwa ne

matamani yani vurawo ukurubiya ze shariya za haho.

ZABURA 119:21-40

21. Ngowa risizo o wenyi kiburi ,

wa laaniwa , wa poteya hule ne ze amdri za haho.

22. Nipuwe na lawama na dharawu ! Hesa tsi

zingara ze nyishahidi za haho.

23. O wana waki fawume wa kaantsi ndro na

huni rema, ye mdrumishi wa haho ngu tafakari

ze amdri za haho.

24. Ze nyi shahidi za haho ndo furaha ya hangu ,

nizo ndo haali-mashawiri ya hangu.

25. Ye nafusi ya hangu yi fungatsiha ne le gapva :

fanya ni enshi he le kawulu la haho !

26. Ngam hadisi ze ndziya za hangu , na ngoni djibu :

uni some ze amdri za haho !

27. Fanya ni yelewe ye ndziya yahe ma wuswiyo ya haho ,

nami ngamdjo tafakari ze andjabu za haho !

28. Ye nafusi ya hangu ngayi dumbiyawo ha hamu :

uni djuse ni hime hama nde namna wa zamba !

29. Uni andzawusize ye ndziya ya ndrabo ,

uni neyemeshe ha wutweyi ye shariya sha haho !

30. Tsi tsunguwa ye ndziya yaho wuaminifu ,

na wudji lindzanya ne ze hukma za haho.

31. Ngamdji fungatso neze nyishahidi za haho :

Mngu Wa Dayima utsi ni ayibishe !

32. Ngam rambiyo hwenda harimwa ze amdri za haho ,

hesa ngo makinisho o mowo wa hangu.

33. He Mng’we , uni some ye ndziya yahe ze amdri za haho ,

ili nizi zingare hata wo mwiso !

34. Unipve fahamwe , nami ngamdjo zingara ye

shariya sha haho na ngamdjo shi triya ho mowoni hagu piya !

35. Uni yendese harimwa le sowo lahe ze amdri za haho !

hesa ngam landzo.

36. Nyesiza o mowo wa hangu o hwe ze nyishahidi za haho ,

sha tsindo hwe ze fayida !

37. Uni kawuse ye matso ya hangu nitsi wone zitso wufayi ,

uni huyishe harimwa ye ndziya ya haho !

38. M’thibitishe ye mdrumishi wa haho he anhadi ya haho ,

ya husu o walona hawufu nawe !

39. Uni yepvuse no upulefu shewo ni wu riyawo !

Ye maana ze hukuma za haho zo ndjema !

40. Wona , ngam tamani ufanya ye ma wuswiyo ya haho ,

uni huyishe he haki ya haho !

ZABURA 119: 41-60

41. He Mngwe, ze fadwila za haho nazi ni shishiye ,

o wuwokofu wa haho sawa sawa ne anhadi ya haho !

42. Nami ngamdjo djuwa ni djibu ye mwinyi wuni

puwa shewo , emaana tsidjiyesa amana ho djumwe

le kawulu la haho.

43. Utsi zime hatwi ho hanywanyi hangu le kawulu

la kweli! Emaana ngam lindo ze hukuma za haho.

44. Ngamdjo tweyi ye shariya sha haho dayima ,

ewa ha milele na milele.

45. Nami ngamdjo henda ha nafasi , hesa ngam

tsaho tsena ye ma uswiyo ya haho.

46. Ngamdjo hamba ze nyi shahidi za haho usoni

mo wa fawume , wala ntsina uwona haya.

47. Nami ngamdjipviwa kabisa neze amdri za haho ,

pvoko ndo nandzawo.

48. Tsi hala ye mandza ohe ze amdri za haho pvoko

ngam zandzo.

49. Esheyela le kawulu wa hamba uhusu ye

ndrumishi wa haho , ha sibabu hu ni triya twamaani !

50. Hu ni faradji harimwa ye dhili ya hangu , hesa ye

anhadi ya haho yini huyisha.

51. O wenyi kiburi wa ni dungu na dharawu zenda mno ;

ntsina udji traza ne shariya sha haho.

52. Ngam zesheleyo ze hukuma za haho za hale ,

He Mnguwe ! Ngam djifaradji.

53. Tsi zingarwa ni andhabu ha sibabu ndo wa sharishi

wa vuriza ye shariya sha haho.

54. Ze amdri za haho zi rendeha nde mashayiri ya hangu ,

harimwa nyumba yikawo ngami mdjeni.

55. Ye masihu ngam yesheleyo le dzina la haho ,

Bo Mngu ! Ngam tweyi ye shariya sha haho.

56. Ha yapvo ndo niliyo , ha sibabu tsi zingara

e nyaswiya za haho.

57. Le funvu la hangu Bo Mngu !

Ngam lambo ndo utweyi ye makawulu ya haho.

58. Ngam huwombo ho mowo wa hangu piya

wuke radhi ; wu ni fadwili swaw-sawa

ne anhadi ya haho.

59. Ngam loleyo ze ndziya za hangu ,

na tsi redjeza ze ngayo za hangu ho nyi shahidini haho.

60. Ngampvezo , ntsu badili ho twehi ze amdri za haho.

ZABURA 119 : 81-96

81. Ye nafusi ya hangu ngiyo m’tangoni

hawtso tsaha o wuwokofu ,

nga mdjilindiyo ne le kawulu lahaho.

82.Ye matso ya hangu ya lembeleya ha

wulindiya ye anhadi ya haho ,

nga mwambo ndini ndo

wudjo wu ni faradji

83.Ye maana ngami hama besheyo ho fumbini ;

ntsu diwaza ze andri za haho.

84.E ze ntsihu za ho umuri wahe mdrumishi wahaho nga ?

Ndini ndo wudjo uwa hukumu wawo wani pvambazawo?

85. O wenyi kiburi ngwa ni tsimbiyawo malindi ;

Izo kazidja halikiyana ne shariya sha haho.

86.Ye maaghizo ya haho piya yawu amini ;

nga mpvampbaziwa bure , unisayidiye.

87. Mpba ndrongowo ntiti ; nami ndjo tolwa dahilani ;

na miyimi ntsu hupva dingo ye maandhiyo ya haho.

88. Nihwiyiche he ze fadhwila za haho ;

nidjwa huzingara ze nyi chahidi zahe hanywa haho.

89. Ha dayima, He bo M’gu!

Le kawulu lahaho ngilo imara mo binguni.

90. O wu aminifu wa haho(wudumu)

rangu ma beya hata ma beya,

hu thubutisha ye ntsi , ha pvaha yo ngiyo.

91. Hahu stehi ye ze hukuma zahaho ndo ye

zindru za baki imara hata lelo,

Ye maana zowontsi ngazi hurumishihawo.

92. Enge shariya sha haho ts inde furaha ya hangu ,

Yapvo tsi djoka tsi angamiya harimwa

ze taambu za hangu.

93. Ntsina wuparo diwaza ze nyaswiya za haho ,

Hesa hizi ndo wu ni huyishawo.

94. Miyimi wa haho , wuni wokowe !

Hesa nga mzungushiyo ze hukuma za haho.

95. O wa pewu ngwa ni lindawo wadje wa ni rotes;

Ngam zi tafakari ze nyishahidi za haho.

96. Ngam wono wo mwiso wa hayina

shiliyo shi rengelevu :

Ye amdri ya haho ndjema ya henda mno.

NDE MAHADISI MATUKUFU

Tuesday, 20 May 2014

Monday, 19 May 2014